鄭嘉穎揭《披荊斬棘3》第一圈被Foul原因：係自己抵死！藝人鄭嘉穎今日（16日）現身旺角出席生活百貨店開幕任嘉賓，身材甚Fit的他透露體重一直保持65kg（143磅）以下，因有高血壓問題，平日食得清淡，進食前會將餸菜先浸茶除去多餘油份。早前他參賽內地綜藝節目《披荊斬棘3》第三季，傳出他在第二集便被淘汰，他表示因失聲問題，第一圈便被Foul，直認自己抵死，衰在太輕視，他說：「做演員咁耐冇練過歌，恃住自己係歌手出身，上節目前我就日日練歌5至6小時，搞到聲帶發炎，損咗冇聲，去醫院打類固醇，睇中醫都冇用，只能夠休息，好失策！（老婆冇勸你？）老婆勸都冇聽，好黐線！」提到失聲時情緒低落，讓他上了寶貴一課，明白到台上一分鐘，台下十年功的道理，凡事要循序漸進，不能臨急抱佛腳。現在聲帶已痊愈，笑言被兒子投訴太嘈添！問他會否再敢挑戰歌唱比賽，他表示待他再準備好可以再挑戰，本身鍾意拍電影，亦有戲癮，希望多拍電影。鄭嘉穎表示因失聲問題，第一圈便被Foul。鄭嘉穎上咗寶貴一課。郑嘉颖
鄭嘉穎揭《披荊斬棘3》第一圈被Foul原因：係自己抵死！
