陳自瑤直播帶貨罕見出「意外」 驚慌失措嗌晒救命藝人陳自瑤近年憑直播帶貨彈起，升呢「帶貨天后」，仲上埋內地節目《中國新主播》做評判，不過呢日佢開live就罕見發生「意外」，好彩執生執得快，秒速救場！事緣佢同蔣家旻趁中秋一齊帶貨Sell月餅，齊齊以古裝宮廷服上陣，仲梳上髮髻，造型認真，期間佢哋擺出古代美人Pose，豈料2人頭碰頭，蔣家旻嘅髮飾竟纏住陳自瑤嘅頭髮，狀甚狼狽，佢哋仲痛到直呼：「哎呀！」現場工作人員即時上前幫忙，而蔣家旻轉數亦相當快，即笑指：「我不捨得自瑤呀！」成功打圓場。陳自瑤升呢帶貨天后。趁中秋孖住蔣家旻Sell月餅，着晒古裝擺Pose！點知出「意外」，頭髮纏埋一齊勁狼狽。陈自瑶
陳自瑤直播帶貨罕見出「意外」 驚慌失措嗌晒救命
