譚偉權露天場地開騷 得「哥哥」保佑天公造美藝人譚偉權（Gary）日前為紀念偶像張國榮（哥哥）舉行了一個音樂會，他找來好友杜以辰、Ashia及黃進林做嘉賓，會上大家唱盡哥哥的經典金曲，Gary表示要多謝哥哥保佑，因為開騷當日發生小插曲，下晝時分不停落雨，搞到台上音響燈光設備要重新set up過，他來不及綵排，好彩工作人員好快解決到問題，雖然最後綵排時間唔多，但多得台前幕後幫手，最終都能順利完成，他說：「最開心係見到在場咁多位觀眾朋友嘅投入，佢哋反應好好，完騷後我個電話不停畀人炸爆，收到好多相同片，傳訊息畀我話個騷好正，話台燈聲都好正，係一個高水準高質音樂會，問我幾時再有part2！」Gary視張國榮為偶像。在張國榮忌辰，Gary開騷去偶像致敬。對歌迷的熱情反應，他大為感動。Gary表示今次搞這個音樂會確實遇到好多不同狀況，不過正所謂：「上帝閂咗你一度門，佢就會開另一扇窗畀你，唔開心嘅好快會忘記，開心嘅嘢永遠留喺心裏面。」他感激歌迷多年來對他的支持。除了歌迷，當晚還有圈中好友來撐他場。#谭伟权#
譚偉權露天場地開騷 得「哥哥」保佑天公造美
