炎明熹首奪4台冠軍：驚大家唔認得我把聲！正忙於為個唱綵排的炎明熹（Gigi）傳來喜訊，其個人單曲《Little Magic》自6月尾推出後，先後在中文歌曲龍虎榜、新城勁爆流行榜、以及勁歌金榜登上冠軍寶座，今日（30日）榮登專業推介冠軍歌，成為她出道以來首支4台冠軍作品，成績驕人，Gigi坦言收到該歌時，有點擔心歌迷會否接納：「因為隻歌好少女味，節奏好輕快，同我本身個形象唔係太夾，哈哈！加上我換咗另一種唱腔，都驚大家唔認得我把聲。」對於首次成為四台冠軍歌得主，她將功勞歸功於一班幕後團隊包括作曲、填詞、監製、編曲及宣傳人員。問到今次獻唱少女風作品得到歌迷受落，日後會不會唱更多類似曲風？她有所保留說：「我仲係新人，應該嘗試更多唔同嘅曲風，慢慢摸索自己日後嘅歌路，所以唔同嘅曲風，唔同嘅音樂人，我都想嘗試、同埋合作，正如嚟緊我嘅演唱會，特別搵咗兩位我好欣賞嘅前輩，做我嘅演唱會嘉賓，兩個都係第一次同台合作，我自己都好緊張，但我相信大家會有驚喜，希望歌迷會喜歡我呢個安排。」炎明熹首奪4台冠軍。恭喜晒！炎明熹
炎明熹首奪4台冠軍：驚大家唔認得我把聲！
