呂慧儀否認張景淳上住所過夜：我同佢都係住屯門！

呂慧儀否認張景淳上住所過夜：我同佢都係住屯門！呂慧儀、周嘉洛及孟希璘等《愛。回家之開心速遞》演員，今日（24日）到電視城出席萬聖節活動，眾人以萬聖節服飾亮相及大玩遊戲，但最終變成「畫花面」激鬥場面。呂慧儀因聲帶發炎而沙聲上陣，她透露前一日帶兒子遊主題樂園時完全開不到聲，她指：「我坐過山車被鬼嚇都完全出唔到聲，仲被其他藝人笑我點解咁靜，湯盈盈就喺隔離幫我講嘢。」呂慧儀又笑「龔燁」張景淳坐巴士被偷拍，對於網民猜測張景淳是由呂慧儀的屯門住所出發？她即表示：「我同佢都係住屯門㗎，做藝人好慘呀，有時好尷尬，好攰瞓着咗，畀人影又唔好睇，不過佢瞓覺個樣好『四正』，keep得住個形象，但見到我千祈唔好影我，我驚我會流晒口水。」張景淳被指由呂慧儀住所出發往深圳。呂慧儀否認，指張景淳都係住屯門。又指以後搭車都要小心，怕被影到睡相。周嘉洛指萬聖節要開工，就算朋友約去玩都沒辦法，他笑言：「我唔會畀人影到去玩，因為好有信心要開工。」孟希璘則透露二伯孟海的喪禮已安排得七七八八，本月28日設靈、翌日大殮及火化。她指孟海生前的病情拖得頗耐，想見的親友都已見過，而他的遺願是希望拍多啲戲，孟希璘稱：「二伯由3歲開始學功夫、京劇，臨走時都想好番再拍戲，但無奈個時候到咗。」孟希璘又指每一位認識孟海的前輩，都會在她面前大讚「海哥真係好好人」，覺得這是二伯的福報。周嘉洛萬聖節要開工。孟希璘透露二伯孟海的喪禮已安排得七七八八。吕慧仪