度期半年終成事 陳敏之孖陳山聰做帶貨直播夠晒FUN視帝陳山聰日前終有機會與「阿妹」陳敏之齊齊做帶貨直播，敏之是無綫的帶貨女郎，做了多場已有相當的經驗，而山聰之前一直忙於拍劇，敏之指度了半年期才邀請到他，「兩兄妹」開直播時搞笑又輕鬆，默契十足。敏之接受東網獨家訪問時謂：「我哋終於等到機會兩兄妹開直播嘞！真係好開心，大家都見我哋着得好襯，因為我哋係屋企人咁，做直播時好多笑料，感覺好WARM，(畀阿哥幾多分?)我都畀佢好高分㗎！其實佢都好適合做直播，平時鍾意食靚嘢、買靚衫，好識得享受，而且佢又係爸爸，小朋友嘅嘢佢又認識，所以佢都好啱做，希望之後多啲機會一直做，一定好好玩。」陳山聰、陳敏之着到襯晒咁開工。兩兄妹感情如家人一樣。陳敏之每次做直播都幫公司吸金。至於處男下海做的山聰受訪時亦謂:「我覺得自己表現都唔錯，好好玩，成日都講唔係剩係上嚟賣嘢咁簡單，希望帶畀網民歡樂，大家買嘢之餘都會開心，後台啲同事話反應好好，差唔多有2、300萬人睇，成績唔錯。」現時正於深圳為新劇《反黑英雄》開工的他指拍攝相當順利，山聰謂：「同朱晨麗第一次合作，估唔到大家幾合拍，呢排我都上上落落，都有返嚟睇吓個仔，坐個多小時車好方便。」開直播前二人做足功課。陳山聰近期於內地拍劇，中港兩邊走。陈敏之陈山聪
度期半年終成事 陳敏之孖陳山聰做帶貨直播夠晒FUN
