鄧智偉巡唱吳卓羲驚喜現身 二人大玩回憶殺音樂才子鄧智偉近年於內地發展相當好，除了持續做音樂外，現作為「唱作人」的他，之前於內地多個地方廣州、珠海、上海及中山等都開了個人巡迴演唱會，日前「平行回憶The Second Coming」Live 2023第二站在佛山順德ALSOLIVE火熱開唱，他更請了10多年兄弟吳卓羲擔任嘉賓，二人即場合唱經典歌。鄧智偉的歌迷自發於場館外做好應援布置，每一面旗幟都寫着他過往演出的站次和時間，每一個氣球都寫上歌迷們對他的祝福，每一個台階都貼上他歌曲作品的名字和歌詞，甚有心思。現場真係好多歌迷支持。歌迷好有心思。向來生鬼的卓羲於演唱會上發揮其搞鬼本色，足足棟篤笑8分鐘，絕對係有佢講冇人講。鄧智偉亦準備了驚喜視訊作為回禮，播放二人10年前的視訊引起全場回憶殺。期間，卓羲望着彈鋼琴的鄧智偉:「真係，我係女仔都鍾意鄧智偉，其實我哋係同一系列，我、林峯BOSCO都係兄弟嚟！」之後鄧智偉指自己的演唱會從來都未公布過會有嘉賓，卓羲謂:「其實由始至終都係我自薦，係我好厚住面皮咁要嚟做嘉賓，我好想嚟鄧智偉嘅演唱會好耐，不過之前一直有工作嚟唔到，成個月前智偉哥已經…..佢大個我㗎！」之後有台下粉絲叫「智偉BB」，卓羲即謂:「我入咗行幾廿年，到咗《披荊斬棘》先有人叫我卓羲BB，佢唱歌企上台有幾耐呀你話?已經有人叫佢智偉BB嘞！希望佢以後唱歌事業愈行愈遠，希望我哋多啲機會同台演出。」鄧智偉大讚卓羲向來有義氣，卓羲謂:「我歌手嚟㗎大佬！我係嚟唱歌㗎！我唔知林峯嗰啲點解唱歌走去拍戲，我呢啲拍戲嘅就嚟唱歌，我呢排開好多演唱會呀！大灣仔演唱會你哋知唔知呀！」跟着全場叫囂，氣氛甚佳。吳卓羲向來識搞氣氛，笑爆全場。吳卓羲與鄧智偉合唱了多首經典歌。鄧智偉近年事業攀上高峰，多次哽咽感激歌迷。邓智伟吴卓羲
鄧智偉巡唱吳卓羲驚喜現身 二人大玩回憶殺
