星玄︱唐詩詠離巢新路向 飛日本學師做烘焙女王今日係10月26日，幸運星係金牛座，身心處於極佳狀態，可望度過美好一日。唐詩詠就係金牛座，舊年約滿離巢嘅佢無約一身輕，經常都周圍飛，早排就同慈善團體合作飛到孟加拉，幫助當地女童改善生活，真係好有愛心，之後仲無視核污水，飛咗去日本旅行，熱愛甜品同糕點嘅佢，仲報讀麵包及甜品速成班，短短3日就學咗十幾款咁多，似乎離巢後想向烘焙女王呢個方向進發噃，見到你全程投入自己嘅興趣，證明咗身心狀態都好好噃。唐詩詠早排飛日本報讀麵包及甜品速成班，3日就學咗十幾款咁多。似乎向「烘焙女王」嘅目標進發。做慈善大使飛到孟加拉，幫當地女童改善生活。舊年約滿離巢後四圍飛。今日係農曆九月十二，宜大事勿用，最旺生肖係猴，屬猴嘅你哋遇貴人，大膽表達心中所想，容易獲得賞識。謝霆鋒就係屬猴，早排過咗43歲生日嘅佢，大把老友同佢講生日快樂，包括天后容祖兒、台灣天王周杰倫，就連霆鋒自己都話Happy Birthday to Us，佢仲甫咗一張被強吻嘅相，究竟邊個咁猖狂？咀佢嘅唔係女友王菲，而係佢隻愛犬咋，難怪霆鋒嘅反應一樣冧到爆。呢排佢就忙緊12月舉行嘅搖滾美食節，大家點諗到搖滾同美食都可以crossover，真係得霆鋒搞先冇違和感，佢真係大膽表達心中所想，就咩有可能做得到。之前謝霆鋒生日畀愛犬狂咀，見佢個樣勁冧。嚟緊會搞搖滾美食節，估唔到搖滾同美食都可以crossover。唐诗咏
星玄︱唐詩詠離巢新路向 飛日本學師做烘焙女王
