菊梓喬Del無綫工作聯絡疑離巢 晒斷腳相有暗示？過氣「星夢一姐」菊梓喬近月少有現身，工作量大減，雖然仍有出歌、開騷，但氣勢已大不如前。尋日（29日）佢晒出左腳被繃帶包紮嘅相，寫道：「早前不小心跌下來骨折受傷，但是大家不用擔心，一切如常舉行。」斷腳相一出，有網民就聯想到佢係暗指「一段關係已斷開」。斷腳…連關係都斷埋？而本身想求網民安慰嘅佢，就被眼利粉絲發現，菊梓喬喺個人身份欄上，未有寫出所屬唱片公司TVB Music Group，或同無綫有關嘅聯絡人，令人懷疑佢係咪已低調離巢，不過目前在TVB Music Group官方網站仍可見到菊梓喬個名。其實早前就已有傳佢打算年尾約滿離巢，加上至今無綫仲未有新公布，同時亦有傳菊梓喬希望回復自由身，成立個人工作室以獨立歌手身份重新出發。冇埋無綫嘅工作聯絡資料。搞到粉絲好多聯想。公司官方網站仍然有佢個名。菊梓乔
菊梓喬Del無綫工作聯絡疑離巢 晒斷腳相有暗示？
