「馬國明養女」冼迪琦爆無綫主動招手拍劇 ：有機會都想試吓前女子偶像團體AKB48 Team TP成員冼迪琦（小迪）昨日抵達香港，半百粉絲在機場接機。今日（2/11）小迪緊接住現身中環出席品牌活動。小迪受訪時表示：「其實我都唔知到尋日會有咁多粉絲嚟接我機，令到我好意外，令可以輕一口氣，唔使過份擔心自己冇人支持。（有冇諗過返香港拍劇發展？）其實自己都有諗過，如果有機會都想嘗試吓。（你以前係童星出身，有冇掛住邊位演員？）最掛住一定係馬國明，因為以前同佢嘅對手戲係最多、而且佢又好照顧，咁所以特別掛住佢。」小迪和足球名宿岩布仙尼今日出席點心品牌活動。（劉智源攝）說到現在可能要同馬國明演情侶，小迪笑言：「咁可能要問一問佢老婆先，哈哈！（無綫有冇聯絡你？）有呀，佢哋想搵我拍劇，但因為我行程嘅關係，我係冇辦法參與，咁如果日後佢都再搵我，就要再睇一睇啲檔期夾唔夾到。」冼迪琦透露無綫有主動聯絡她邀請拍劇。（劉智源攝）
「馬國明養女」冼迪琦爆無綫主動招手拍劇 ：有機會都想試吓
