星玄︱陳展鵬被踢爆激咀人妻 老婆單文柔扯火：幾叻呀佢今日係11月5日，幸運星係山羊座，生活稱心如意，冇咩問題可以難倒你。陳展鵬就係山羊座，佢主演嘅劇集《香港人在北京》，就啱啱大結局，劇中有多場夫妻調情戲份，有集吳若希就以性感睡衣上陣，成功激發展鵬剝衫晒肌，喺床上激咀，之不過展鵬似乎唔記得拍過呢場咀戲，冇同真老婆單文柔備案，單文柔就搞笑咁話展鵬，佢幾叻呀佢，不過無論劇入面又好，現實中又好，展鵬嘅生活都一樣稱心如意。陳展鵬喺劇集《香港人在北京》，同吳若希床上激咀。場激咀戲竟然冇預先話畀老婆單文柔知，老婆即刻寸爆展鵬。展鵬戲內戲外，生活都一樣稱心如意今日亦係農曆九月廿二，宜祭祀、嫁娶、動土，最旺生肖係狗，狗仔狗女春風滿面，單身嘅人容易結識合眼緣異性。大美人李嘉欣就係屬狗，凍齡有術嘅佢，完全睇唔出已經年過50，好似食咗防腐劑咁，早排仲大晒靚相，着住綠色碎花Bra Top嘅佢，唔單止零贅肉，望落仲有腹肌添，似乎平時都好努力鍛煉身體，經常外遊嘅佢，之前就甫咗同老公同埋仔仔去維也納嘅相，一家人樂也融融，話你春風滿面，又真係冇講錯噃。李嘉欣着住綠色碎花Bra Top晒身材。保養得好好，依然係大美人。陈展鹏
星玄︱陳展鵬被踢爆激咀人妻 老婆單文柔扯火：幾叻呀佢
