梁嘉琪自爆冇耐性　敖嘉年揸車就躁

梁嘉琪自爆冇耐性　敖嘉年揸車就躁藝人梁嘉琪和敖嘉年今日（18日）到一中學出席台灣之旅新開發布會，他們指今次的台灣之旅將會與49名有特殊需要的人士及其父母同行，飛往台北進行三日兩夜的旅程。屆時，梁嘉琪和敖嘉年將會落手落腳照顧這群有需要的人士。梁嘉琪和敖嘉年是首次合作一起做義工，雙方都自言不是有耐性的人，但當面對這群有特別需要的人土時，覺得自己瞬間擁有無限的耐心，可以包容他們一切，梁嘉琪說：「我自己其實比較鍾意做小朋友嘅義工，之前有為咗佢哋而去學手語，雖然都唔合格，但都可以同佢哋簡單咁溝通。」嘉年亦在旁贊成指小朋友心思單純，在照顧他們的過程中，都漸漸變得更有耐性。問到有甚麼事會令他們失去耐性？嘉年說：「通常係揸車嘅時候，明明走快綫但啲人揸得好慢，我就會比較煩。」而嘉琪則形容自己是性急之人：「我想要嘅嘢，我要好快得到，咁所以好多謝佢哋（有特殊需要的人）令我知道係我太快，唔係人哋問題，係自己太心急。」談到雙方都喜歡小朋友，問到將來會否計劃生育？他們都搖頭指隨緣，嘉年表示照顧孩子是一個很大的責任，笑言：「自己都未養得掂。」梁嘉琪和敖嘉年齊齊做義工。嘉琪話自己冇乜耐性。敖嘉年揸車就會暴躁。梁嘉琪敖嘉年