譚嘉儀接到花球唔急嫁 聖誕與家人食大餐歌手尹光與譚嘉儀今晚（11日）為慈善晚宴擔任表演嘉賓，惟公關表示尹光不接受訪問及拍照，未知是否想避談他日前與林明禎出席活動期間，合照時所引起的誤會有關。至於譚嘉儀就以一身鮮紅色長裙現身，她表示會獻唱4首歌：「包括一首聖誕歌，我好鍾意聖誕節，好浪漫，又可以同屋企人食聖誕大餐。（搵個男友一齊過仲浪漫？）我都想，不過未有，順其自然啦，依家工作為主。」她表示感情事一切隨緣，又自爆早前於哥哥婚禮接到花球，問到家人會否擔心向她催婚？她笑言：「唔會，因為哥哥同家姐都結咗婚亦生咗小朋友，所以爸爸媽媽已經好滿足，哈哈！」談到工作，她表示剛完成劇集《虛擬情人》拍攝，很期待看成品：「今次係飾演王敏奕嘅閨蜜，好有發揮，另外之前出咗隻HiFi碟，翻唱咗10首歌，包括廣東歌同英文歌。」她透露明年初會推出新歌，談到新歌未能趕及年尾樂壇頒獎禮？她坦言自向來沒有爭獎心態：「做音樂係滿足自己鍾意音樂嘅興趣。」她表示希望先儲多些歌，然後再計劃開騷。譚嘉儀唔急拍拖。譚嘉儀聖誕會與家人食大餐。谭嘉仪
譚嘉儀接到花球唔急嫁 聖誕與家人食大餐
