新聞女王｜佘詩曼睇大結局感動一幕爆喊 嘗試度期出席頒獎禮等封視后佘詩曼、馬國明及高海寧等一眾《新聞女王》演員昨日（22日）現身澳門出席《新聞女王結局夜——女王終極直播》，除演員外，TVB總經理曾志偉也有到場。佘詩曼在睇劇時，看到馬國明以為她被陳山聰刺死後講出他對自己的心底話時，佘詩曼就感動到喊，之後當該劇總監製鍾澍佳被問到會否拍續集時，他笑指要問總經理，曾志偉笑說：「睇到個個都喺度抹眼淚，我都抹呀，因為下個禮拜冇咗呢個劇集，收視都唔知點算！」曾志偉又感謝劇中所有演員，更大讚眾人也用心去演。【點擊睇《新聞女王》大結局宣傳】：佘詩曼昨日（22日）現身澳門出席《新聞女王結局夜——女王終極直播》。看到馬國明以為她被陳山聰刺死後講出他對自己的心底話時，佘詩曼就感動到喊。佘詩曼對於劇集播完感不捨。陳山聰以神秘嘉賓身份現身。身為視帝的他指今次客串真的是因為佘詩曼。佘詩曼對於劇集播完感不捨：「咁快就26集，都好嘅，等大家覺得唔夠喉，睇吓會唔會有Season 2。」而她指是否拍續集就要看劇本：「但都係好開心，好樂意同呢個班底再合作，因為今次真係合作得好愉快。」佘詩曼憑《新聞女王》獲提名視后，更成為大熱，她透露因頒獎禮當日本已安排工作，故現時正嘗試調動：「因為唔係我一個單位嘅事，盡量希望返到。（同李施嬅拗手瓜？）是但一個攞都OK啦，佢攞我都會好開心。（你有冇信心？）我真係冇所謂，睇觀眾投票。」點名要求黃宗澤做彩蛋她指《新》劇播出後口碑不俗，加上很受觀眾歡迎，對她來說已如攞獎般開心，對於其他入圍女藝人指要跟她爭奬後均「投降」，佘詩曼相信每位女藝人在每套劇中也付出很大努力，又自認不是特別勤力，所以大家也有機會得奬，問到有沒有看對手的演出？她則表示因工作忙所以未有時間。至於Man姐是否她的代表作？佘詩曼指要交大家評定，但承認是其中一個喜歡的角色。對於黃宗澤（Bosco）現身大結局，佘詩曼指對方是今次的彩蛋，更表示雖然兩人認識多年，但卻是首次合作，並指監製事前有問自己跟哪個小生未試過合作：「我話Bosco，佢真係搵咗Bosco嚟做彩蛋。（有咩感覺？）都係咁型。」陳山聰以為客串做靚仔陳山聰以神秘嘉賓身份現身，身為視帝的他指今次客串真的是因為佘詩曼，皆因當得知對方會拍《新聞女王》時，自己就跟對方表示無論如何也一定要跟她一起拍，雖然當時正在拍攝《奪命提示》，但也要回來跟她演對手戲：「佢話係咪㗎，一場都做？我話係，就算過鏡都做，我話只要我同你做就得喇。」他笑言本來以為自己會做靚仔，誰知監製知他有興趣時就指度了ending給自己，而且更是一個未曾做過的角色：「佢一講完我心沉一下，心諗唔係嘛咁大壓力？真係一個好特別同好難遇到嘅角色，從來未做過，亦都係一個好難演嘅角色。」陳山聰又謂拍攝當日由監製親自拍攝，自己亦特別找來戲劇老師從旁指導，加上佘詩曼在旁亦能順利帶動情緒，希望大家看大結局的時候可以喜歡這個角色，而他又開心角色得到內地的朋友喜歡。陳山聰又謂因跟佘詩曼很好朋友，加上對方離開TVB時自己的戲仍是「麻麻地」：「今次事隔真係超過10年，佢難得返嚟，我點都會舉手，就算做茄喱啡行行企企，只要同佢同場就得，所以今次真係純粹支持佢。」此時佘詩曼突入，表示陳山聰當日真的這樣說，他笑言：「不過靚仔就畀Bosco做咗，我就惟有做醜，不過真心，做演員有幸遇到一個咁嘅角色好難得，希望大家睇完之後會見到不一樣的陳山聰。」問他如開拍續集會否自薦？他說：「續集唔係唔搵我拍係咪呀大佬？我就係博佢有續集，真心開心嘅，可以同一班兄弟姊妹一齊做一場戲，好難得。」陳山聰又坦言今次雖然只客串短短三日，但可以跟李施嬅和佘詩曼均有對手戲感到很開心，亦過足戲癮。提到今年視后，陳山聰一聽到即表示：「唔好問我…⋯其實我哋公司不嬲都好多驚喜，可能雙視后！我睇咗好多佢兩個嘅戲，都唔使我哋講佢哋做得好唔好，留返觀眾去投票決定，唔好問我投邊個，投我啦，我今年有男主角又有男配角，唔投男主角都投男配角啦！」佘诗曼陈山聪王敏奕李施嬅
新聞女王｜佘詩曼睇大結局感動一幕爆喊 嘗試度期出席頒獎禮等封視后
