林子善孖「阿妹」唐詩詠做節　與黃日華同框食冬至飯

林子善孖「阿妹」唐詩詠做節　與黃日華同框食冬至飯藝人唐詩詠之前參加完馬國明同湯洛雯嘅婚禮，近日已經返港投入工作，不過似乎意猶未盡嘅佢，喺社交網分享咗好多當時喺泰國出遊嘅靚相，並寫道：「好凍呀，畀啲熱情大家。」其中更大晒水着Look，穿着橙色泳衣喺泳池暢游，心情大靚，唔少網民都留言表示喺寒冷中有被溫暖到。唐詩詠返港後意猶未盡，狂晒泰國出遊靚相。心情大靚。激罕晒水着Look！而同佢一齊返港嘅林子善日前亦分享咗一張冬至大合照，兩兄妹感情相當要好，返到香港又相約食飯，佢喺貼文中講：「二零二三冬至，郭大俠佢一向都好錫我同阿妹，祝佢日日都健康快樂笑口常開，多謝華哥請我哋一家食冬至飯黃日華 #射雕英雄傳 #郭靖」原來除咗唐詩詠之外，黃日華亦有一齊食冬至飯，網民對於黃日華嘅出現都大為驚喜。只見佢滿臉笑容攬着林子善女兒，個個人都笑容燦爛，非常有愛。與林子善一家做節，黃日華亦有現身。唐诗咏林子善