張智霖靚靚結伴睇桌球賽 同奧蘇里雲切磋球技勁開心藝人張智霖（Chilam）同太太袁詠儀（靚靚）係圈中出名恩愛夫妻，2人成日都會一齊結伴同遊，大晒恩愛。近日佢哋就一齊去咗睇桌球表演賽，熱愛打桌球張智霖同老婆坐喺前排，全神貫注地睇住場上，靚靚雖然對桌球興趣麻麻，但都依然陪住老公坐足全程，認真唔話得！靚靚陪老公去睇桌球賽。之後張智霖又喺社交網分享同世界「一哥」奧蘇里雲切磋球技嘅影片，並表示能夠同佢打桌球在係太夢幻了，2人對戰吸引咗唔少人圍觀，雖然最後張智霖以32:59不敵對方，但都足以證明自己球技不俗，可以喺「一哥」手上贏得32分。Chilam曾透露自己年輕時就已經好鍾意打桌球入行後更係常常同郭富城等人去到波樓打桌球仲因此而荒廢事業，被老婆袁詠儀抱怨。佢又笑言每次去打桌球會帶埋老婆，但佢次次都係睇到一半就會感到無聊，然後就會離開去做其他事情，唔再理老公。同世界「一哥」奧蘇里雲切磋球技。Chilam球技不俗！3人一齊合影。中國「球王」丁俊暉亦有參加。张智霖
張智霖靚靚結伴睇桌球賽 同奧蘇里雲切磋球技勁開心
