郭晉安生圖流出狀態回勇 1舉動獲讚超Nice明星「三屆視帝」郭晉安（安仔）近年產量大減，雖然甚少現身幕前，不過就積極經營社交網，並不時拍片同粉絲分享生活趣事外，性格親民嘅佢亦不時被網友野生捕獲合照，但遺憾嘅係其容貌往往反而成為網友討論嘅焦點所在。而近日，藝人黎芷珊亦喺社交網晒出同安仔嘅合照，並分享道：「大坑巧遇郭晉安，佢仲讓咗個車位畀我！太好人啦！」相中所見，雖然喺零濾鏡下安仔嘅魚尾紋明顯，不過蘋果肌則非常飽滿之餘，皮膚狀態亦不錯。真係好幸運，可以遇到安仔！另外，尋日（29日）亦有網友喺社交網分享同家人去工展會時，喺郭晉安嘅健康產品品牌攤位前巧遇佢本人，並喺對望之後安仔竟然主動提出合照要求，令佢開心道：「（郭晉安）人超Nice我還沒出聲他就叫我們過來一起拍照，還誇我說呢，好開心呀！」難怪安仔出道多年，人氣仍然高踞不下。實在太Nice。保養有道。郭晋安
郭晉安生圖流出狀態回勇 1舉動獲讚超Nice明星
