【明報即時】陳慧琳世界巡唱美加站結束 喜見歌迷成長 今年轉戰亞洲與歌迷唱跳 陳慧琳4場美加巡唱結束，Kelly施展渾身解數。（大會提供）陳慧琳（Kelly）全面復出舉行《陳慧琳 Season 2 世界巡迴演唱會》，繼早前澳門站後，Kelly聖誕期間再飛美加舉行4站個唱。久別重逢，Fans熱情爆燈，握手環節衝到台邊，Kelly驚喜看到不少歌迷成長，帶同另一半撐場。美加站後，2024年Kelly轉移亞洲，先後在馬來西亞、廣州及上海舉行，繼續與歌迷瘋狂唱跳。今次世界巡演美加站，為期半個多月，12月16號率先在拉斯維加斯，20及24號轉飛到北美馬里蘭州及康乃狄克州，與當地Fans歡度聖誕節後，30號再飛多倫多站作終結，Kelly說：「站與站間都有幾日休息，感覺唔太辛苦，反而好開心見到好多朋友，街上面又撞到好多香港人，好親切，疫情困咗3年，可以飛係好開心！」對上一次Kelly拉斯維加斯演唱會，已經是2006年，看到當年還是小妹妹，今日亭亭玉立帶同另一半捧場，Kelly感受良多：「好恐怖，咁就十幾年，嗰陣時我都未結婚。」而愛靚的Kelly準備大量fans耳熟能詳的歌曲外，歌衫上亦與澳門站有不同，由型格皮衫皮褲、短裙長靴，到斜膊白身連身長裙、閃花花前面優雅後面露背晚裝，看到粉絲目不暇給。靚衫靚人靚歌，Kelly投入演出，台下Fans亦萬二分熱情，Kelly說：「已經有好多年冇見當地fans，以為佢哋變得比較冷靜，但原來佢哋仲有好熱情嘅心，唔使提醒一起歌已自動起身跳舞，有啲仲送利市、花，就連自己戴嘅帽都送畀我，好感動！」不過最令Kelly開心，是可以再次與Fans握手，事關因為疫情，之前舉行的演唱會場地，未能近距離同fans接觸，馬里蘭州一站場館批准可以握手，台下隨即群情洶湧，湧出走道，最終因塞住回舞台路線，握手環節要多加一首歌。踏入2024， Kelly祝願大家身體健康、世界和平。完成美加站後，2月24日Kelly會轉到廣州、3月23日上海，然後馬來西亞及新加坡等，Kelly說：「真係好耐冇同唔同地方嘅歌迷見面，希望透過今次巡迴與各地Fans一齊唱跳，互相感受大家嘅成長，開心瘋狂唱一晚！」（即時娛樂）陈慧琳
【明報即時】陳慧琳世界巡唱美加站結束 喜見歌迷成長 今年轉戰亞洲與歌迷唱跳
