台慶頒獎禮︱佘詩曼封大灣區視后 黃宗澤奪視帝《萬千星輝頒獎典禮2023》今晚隆重舉行，請得視帝羅嘉良及林保怡頒發今年新設的大灣區獎項，其中「大灣區最喜愛TVB綜藝及資訊節目」由《獎門人感謝祭系列》奪得，「大灣區最喜愛TVB劇集」由《新聞女王》大熱奪得，「大灣區最喜愛TVB男主角」由《廉政狙擊》的黃宗澤勇奪，而「大灣區最喜愛TVB女主角」由《新聞女王》的佘詩曼奪得，亦是她今晚第二個視后獎項。黃宗澤封大灣區視帝。喜出望外！佘詩曼奪大灣區視后。全場拍手。贏到開巷。黃宗澤在台上沒有多謝無綫高層樂易玲，被取笑「膽大包天」，對此，黃宗澤表示：「因為上台嘅時候，已經話超時，同埋我又無諗過攞獎，所以無準備，落台之後，真係如坐針氈同背脊涼浸浸，都有１８０度轉身向樂小姐講唔好意思，佢話無事、無事，聽到呢句都有啲壓力。（點贖罪?）佢叫我做乜都得啦。」黃宗澤還指頒獎禮前與佘詩曼約定誰奪獎要先隊３杯，他還笑言阿佘很有機會有飲９杯，叫她想清楚，她亦豪氣地笑言飲咪飲，而最後黃宗澤只喝了杯半，談到會否考慮拍攝《新聞女王》續集？他指:「要睇大家個期，如果拍到當然好榮幸，好耐無咁有話題性嘅劇集。」談到他與郭珮文正拍攝《法證先鋒６》，女方話要留螢幕初吻給他，黃宗澤笑言：「佢成日天然呆，可能之前成日萬歲都咁啱叫咗佢喜歡食嘅Pizza，同埋佢嚟我餐廳食嘢，我無限量供應牛扒、芝士所以加分，佢好多人鍾意，唔想被追殺，我高攀唔起佢。（想唔想同佢再合作拍劇?）佢要磨練多啲演技，成日天然呆。（佢話拍劇畀你電暈？）佢又隊我，咁我要爆佢大鑊，佢話鍾意拍劇，因為唔使諗，啱晒有社恐嘅佢。」昔日TVB小生兼3劇視帝的羅嘉良與林保怡晚上首次孖住頒發大灣區獎項，之後兩人到後台接受訪問，問二人可有機會合作拍劇？羅嘉良表示要看劇本是否合適，而林保怡則說：「之前大家講起，除咗我同撈家（羅嘉良），仲要搵埋三哥苗僑偉一齊。（想拍咩？）拍『串燒三兄弟』。」不過，二人異口同聲抗拒在冬天開工，林保怡更指早年在嚴寒天氣下拍《金枝慾孽》凍到驚，又要喝凍水避免有霧氣，羅嘉良則說：「當年喺北方拍《岳飛》，着幾厚衫都冇用。」日前有傳林保怡將返娘家拍《刑偵12》，他被追問時表示：「我上年聽到呢個通知，上個月收到初稿，睇吓劇本適唔適先，未應承嘅，不過我同TVB關係好好，都好大機會，角色係一個好特別嘅執法人員。」問他角色是忠還是奸？是否9成接拍？林保怡都掩咀示意不可透露，但就不斷游說羅嘉良回來拍劇。羅嘉良則透露剛和佘詩曼拍畢《家族榮耀》，他指：「今次同好多熟人合作，拍得好開心。」羅嘉良稱有機會與林保怡合作拍劇。林保怡承認有收過《刑偵12》劇本，但未落實。佘诗曼黄宗泽
台慶頒獎禮︱佘詩曼封大灣區視后 黃宗澤奪視帝
