陳敏之憶亡母落淚 承諾會做個好媽咪畀心機工作藝人陳敏之母親早前不敵急性血癌離世，她今日（2日）出席邵氏超級網劇《執法者們》開鏡儀式時神情落寞，她受訪時表示，相信要待一段時間才能慢慢接受，期間亦忍不住落淚：「我知媽咪好想我畀心機工作，因為佢生前好鍾意睇我做戲、做直播，媽咪永遠係最支持我嘅粉絲！知道佢喺天堂開心、冇病痛，之後我哋必定會喺天堂再見。」她指已對媽咪承諾會做好媽咪、好太太和好女兒，由於3月才正式為劇集開工，相信屆時心情應該會好一些，加上可見到很多老友，有工作做心情亦會較好。她透露母親生前是基督徒，故將於本月底舉行安息禮作告別，已選定教堂，以純白簡潔布置為主，會唱聖詩和祈禱。她感恩7歲囝囝子樂非常堅強又懂事，會反過來安慰她：「子樂只係喺婆婆臨走前一晚喊咗1個鐘，之後佢不停安慰我『媽咪，你仲有我！我好掛住婆婆煮嘅魚。』佢喊嗰陣我一直攬住佢，畢竟小朋友要面對生死唔容易。」劇中飾演執法人員的她，高興表示終於可跟宣萱合作，她説：「大家識咗好耐，佢以前成日嚟幫襯我買曲奇。」她大讚對方很率直，不過大家一直未能合作拍劇，今次終於有機會碰頭。」陳敏之經歷喪母之痛。陳敏之憶亡母落淚。陳敏之承諾會做個好媽咪，畀心機工作。陈敏之
陳敏之憶亡母落淚 承諾會做個好媽咪畀心機工作
