陳自瑤晒文青照 肚凸凸竟然被質疑有孕？藝人陳自瑤（YoYo）成日以愛女王靖喬（QQ）為先，依家QQ都已經11歲，亦未見YoYo同老公王浩信有再生小朋友之意。不過尋日（1日）YoYo上載咗幾張近照，見佢身穿公主袖白底碎花連身超短裙，坐喺類似野餐場景拎住英文書嚟影相，十足文青靚相咁，大晒氣質，又以英文話新一年新開始：「Life is a book, everyday is a new page, every month is a new chapter, every year is a new series. .…📖」不過佢晒完呢輯少女味濃嘅相，竟有網友留言問：「你有咗？」令其他網友都大感愕然。不過似乎係今次條裙仔太鬆身，加上佢坐低影相，令腰位望落脹卜卜咁，睇嚟都似係角度惹的禍。陳自瑤裙仔太鬆身，點知就惹大肚疑雲。睇嚟佢要再upload索相去以證視聽喇。陈自瑶
陳自瑤晒文青照 肚凸凸竟然被質疑有孕？
