獎門人｜陳煒嗌梁小冰收檔啦　馮盈盈被寸套套擔正劇都仆直

獎門人｜陳煒嗌梁小冰收檔啦　馮盈盈被寸套套擔正劇都仆直陳煒好吸睛。在本周日（21日）播出的《獎門人Hug Hug媽咪感謝祭》嘉賓陣容，有熱播劇《逆天奇案2》演員陳展鵬、林夏薇、方力申、劉佩玥、張頴康、馮盈盈、高鈞賢和梁小冰組成的「逆天奇案2」隊，對戰「朱隊友」隊的朱咪咪、陳煒、郭政鴻、袁偉豪、張振朗、范振鋒和梁競徽（唯唯）。林夏薇都瞓晒身。久未亮相遊戲節目的咪咪姐玩得相當落力，在「開心無敵傳紫菜」中咪咪姐先被兩大小生袁偉豪和張振朗夾擊傳紫菜，咪咪姐即時怕醜妹上身眼都唔敢擘大！之後獎門人再安排咪咪姐一人VS「逆天2」男子組，《逆天2》總監製劉家豪亦有落場玩埋一份，家豪哥一馬當先捉實咪咪姐傳紫菜，之後四大型男方力申、張頴康、高鈞賢和陳展鵬肉緊捉住咪咪姐輪住啜，引爆全場氣氛！咪咪姐應該好開心。「開心無敵落大閘」中，展鵬和薇薇組成最強視帝視后組合，兩人玩遊戲時默契十足， 除了多番神同步，展鵬還鬼馬地扮「色狼」撲向薇薇；薇薇則跪地、趴地完全零介意，相當玩得。之後「開心無敵私人醒」更成為兩隊隔空罵戰戰場！其中一條題目「講咗俾人掌嘴嘅說話」，煒哥先是寸爆小冰：「收檔啦！」小冰唔執輸反擊：「做極都唔紅呀你！」之後戰火蔓延到盈盈和唯唯身上，盈盈寸爆近年在內地帶貨的唯唯：「你賣嘢全部俾人退貨，零營業額呀！」唯唯不甘視弱「回敬」：「你套套劇擔正但全部仆直冇收視，除咗《逆天2》！」笑爆全場。馮盈盈就…另外，曾志偉宣布下一集是本季《獎門人》最後一集，只要掃熒幕上的QR Code並完成指定任務，便有機會贏取下集節目入場券，總數共200張。