高鈞賢讚馮盈盈好吸引：單身可以考慮 衰戲屎淪為「色魔」搞阿婆終覺悟39歲的高鈞賢（Matthew）於新劇《逆天奇案2》中再飾演暖男，反應不錯，更唔怕傳緋聞狂讚馮盈盈。Matthew於2005年奪「香港先生」冠軍入行，一夜成名後變得心高氣傲，4年後在《幕後大老爺》升呢男二，更因NG太多聲名狼藉被監製拒用，之後被貶為色魔，在《寒山潛龍》中更要非禮阿婆，Matthew感激慘痛經歷令他成長，學識唔好再Chok住演戲，入行19年終於覺悟：「靚仔冇用嘅。」採訪：方騫平 攝影：朱偉彥闊別TVB 6年，高鈞賢回巢拍劇獲讚演技大躍進。高鈞賢於新劇《逆天奇案2》中再飾演暖男。高鈞賢今次向難度挑戰，演繹完美情人。高鈞賢對曾經淪為配角終有覺悟。曾有挫折令他逆流而上。高鈞賢今次向難度挑戰，演繹完美情人Daniel，更奉命幫手調教馮盈盈，戲裡戲外都變得溫柔體貼，唔好咁嘈，以配合高學歷兼十項全能的黑客人設：「我會用溫柔聲線提佢要投入，希望觀眾睇到佢嘅角色有經歷及有成長，扭轉『小三』嘅黑歷史。」Matthew和馮盈盈獲讚有CP感。Matthew真心讚盈盈好多優點。高鈞賢演世上難求嘅完美情人。演到似係生死戀。激讚盈盈超多優點提到跟馮盈盈逛深圳超市被野生捕獲，兩人有講有笑，盈盈仲係咁甜笑，Matthew否認兩人假戲真做，「盈盈演出前有一段日子冇拍過戲，而今次著重我哋嘅感情線，監製要求我哋要多啲溝通，咁啱嗰日外景後有空檔，就即興帶佢同助手北上行超市，買零食請劇組食，我同盈盈冇試過私人約會。」對於馮盈盈，Matthew直認好吸引，隨口噏都有大堆優點：「佢係一個聰明好女仔，我未見過一個女仔背劇本可以咁叻，好佩服佢，港大畢業係唔錯，佢由內至外都優越…自己都鍾意啲叻女。」讚到盈盈只應天上有，問到有冇一刻心動？Matthew答得老實：「我經已有一位圈外女朋友，如果係單身都可以考慮嘅，我拍戲10幾年係『老屎忽』，感情上唔會有混淆，控制唔到感情會好大鑊。」Matthew和馮盈盈約埋行內地超市傳緋聞。原來同行有金毛女助手。步伐一致。做人正面唔好怕捱Matthew靠《新聞女王》令事業重新彈起，更在內地人氣急升兼獲封「國民女婿」，他「食住個勢」落力做帶貨直播，賺到盆滿砵滿。回想19年來的失意經歷，他冇埋怨：「以前演技及經歷係未夠好，成為港男時係一張白紙，完全未準備好就出道，最慘呢行好殘酷，冇人等你成長。反省返當年句句對白只係Chok出嚟，真係靚仔都冇用！好彩我夠樂觀，又冇危險感，做包薪藝員，冇嘢做都照有糧出，坐冷板凳嗰幾年沉迷打籃球，直至30歲完約，想有多啲進步空間才決定外闖。」滿約後的Matthew轉戰內地，初期都唔多順利，最終捱到做《包青天》的展昭，在40度高溫下辛苦拍咗3個月，最後胎死腹中。Matthew從人生經歷得到結論，認為做人要保持正面，練到心臟強大逆流而上最重要：「有段日子我係咁做網上job，只要願意嘗試冇話唔得。」男女啱用keep靚秘訣Matthew離開TVB 6年，重返全因掛住香港觀眾，亦希望睇住佢入行的觀眾能見證他進步唔再「戲屎」。對於被讚係「不老男神」，身形及樣貌都Keep得好，「影後」時更被發現有結實又渾圓臀部。Matthew公開男女都啱用的keep靚秘訣：「刮痧通淋巴及飲湯水去濕好重要，身體濕重會影響脾胃及皮膚，個人又容易攰，所以我經常飲去濕茶、五指毛桃去濕湯、有時飲花膠雞湯補身，早上食蘋果及飲一杯咖啡，有時改食小米粥，仲會保持運動量。」失意時Matthew跟余文樂、何韻詩、吳浩康、張繼聰打籃球發洩情緒。高鈞賢曾因腳傷失掉再做男二機會。Matthew跟陳展鵬對打，被觀眾發現前者的臀部渾圓結實。@高钧贤 高钧贤
高鈞賢讚馮盈盈好吸引：單身可以考慮 衰戲屎淪為「色魔」搞阿婆終覺悟
