【娛樂熱話】《逆天奇案2》國民女友林夏薇回歸 獄中向陳展鵬求婚

【娛樂熱話】《逆天奇案2》國民女友林夏薇回歸 獄中向陳展鵬求婚《逆天奇案2》於本周一至周五，晚上8八點半，在翡翠台播映結局篇。昨晚（5月6日）一集講到森 Sir（陳展鵬飾）被陷害入獄後，阿 Wing（林夏薇飾）前往探望。二人經歷過各種患難後，阿Wing終發現原來心底一直都放不低森Sir，她隔着玻璃向森Sir說：「你出返嚟之後，有件好重要嘅事要做。明明我成日叫你『同事』，原來有啲嘢係呃到人，但呃唔到自己。今次呢件事我發現我哋都唔可以冇咗對方，你心入面有我，我心入面都有你。我睇到你條路變得好難行，我好心痛，我想話畀你聽，我好想同你一齊行。」紙戒指求婚重演之後阿Wing戴上當年森Sir向她求婚的紙指戒，並說：「許浚森，你仲願唔願意娶我呀？我諗咗咁耐，鼓起咁大勇氣先敢向你求婚，你唔係諗住Say No呀嘛？」森Sir即說：「娶，我梗係娶你啦！」最後兩人隔着玻璃做出定情Finger Cross 手勢，配以展鵬獻唱的插曲〈後悔萬年〉做背景音樂，浪漫指數爆標。上輯被封為「國民女友」的薇薇，昨晚一集大晒最強女友力，不單對陷入人生低谷的森Sir不離不棄，更主動向他求婚，絕對是患難見真情。薇薇戴上紙戒指一幕，令人回憶上輯森sir摺紙戒指向阿Wing求婚的浪漫回憶！其實紙戒指求婚情節靈感來自展鵬親身經歷，他曾經公開現實中，亦是以紙戒指向太太單文柔求婚，相當浪漫。李龍基出招補鑊另一邊廂，Nic Sir（黃智賢飾）和Hazel（蔣祖曼飾）的關係亦有所進展！原本Hazel因Nic Sir爸爸福伯（李龍基飾）要求簽婚前協議書，煞停婚事。來到結局篇，知衰的「麻煩老爺」福伯急急出招補鑊，與Nic Sir和Hazel吃飯時，透露睇相時，被批印堂發黑將面臨劫數，借意催兩人結婚沖喜。福伯講明不用再簽婚前協議之餘，更賣口乖謂：「我搞個龍捲風出嚟，你哋都頂得順，一段感情經得起波折，一定打風都打唔甩！」Hazel聽畢態度明顯軟化，由「以後唔好同我提結婚兩個字」演變成「唔好提結婚住」，看來二人關係柳暗花明。「國民女友」 薇薇返嚟喇，她更向展鵬求婚！薇薇同展鵬經歷多番挑戰，終於發現自己其實放不低展鵬。紙戒指求婚一幕重演。薇薇笑中有淚一幕，令人難忘。網友諗返起上輯展鵬用紙戒指求婚一幕。「麻煩老爺」李龍基出招補鑊，再向黃智賢同埋蔣祖曼逼婚。蔣祖曼態度明顯軟化，怪不得黃智賢那麼開心。陈展鹏