傅嘉莉黑氣纏身 整甩腳甲兼狼狽踩屎藝人傅嘉莉（Kelly）今日（9日）出席無綫劇集《神耆小子》的宣傳活動，她透露最近黑氣纏身：「之前拍劇着咗對唔啱腳嘅鞋，返到屋企發現兩隻腳趾公麻痺兼發黑，仲甩埋趾甲，依家要等啲甲生番出嚟，暫時唔可以着露趾鞋。」而另一件黑仔事件簿是在港鐵車站內踩屎：「有職員過嚟同我確認過係人嘅糞便，我當日仲要着住一對我好鍾意嘅白波鞋，鞋底坑紋仲要好深，同我一齊行嘅朋友就完全冇事。」她指朋友笑她連人糞都可以踩中，建議她去買六合彩碰運氣，但結果只中了一個半號碼。傅嘉莉今日出席宣傳活動，自爆最近黑氣纏身。腳趾甲甩咗，就連搭港鐵都踩中屎。另外，Kelly在劇中跟蕭正楠有感情戲，並講述兩人由中學已認識，部分戲口兩人要打扮成中學生模樣拍攝，令Kelly甚為擔心：「我呢個年紀仲要扮中學生，好驚觀眾會掟爛電視，我拍攝前有刻意減肥，好在睇劇照冇太大違和感。」Kelly在劇中跟蕭正楠有感情戲。傅嘉莉
傅嘉莉黑氣纏身 整甩腳甲兼狼狽踩屎
