C君廣州搏殺 麥玲玲豪請過萬元日本菜打氣堪輿學家麥玲玲於內地甚吃得開，近期更要走勻北京、上海、廣州工作，剛巧與她感情甚好的組合農夫C君、陸永正於廣州籌備新工作，加埋蕭正楠亦在珠海，眾人相約於廣州見面，難得聚首，眾人都暢談甚歡，大吃豪華日本菜，鮑魚、長腳蟹再加幾支靚茅台，原本農夫請客，但玲玲姐又怎會要他們畀錢，最終都是由麥玲玲埋單，盛惠人民幣兩萬八千，嘩！一餐飯這個價錢都幾嚇人，不過，一向豪爽的麥玲玲當然不介意，並笑言：「難得能夠聚埋一齊，最緊要大家都開心嘛。」組合農夫、蕭正楠同麥玲玲難得聚首。蕭正楠與麥玲玲影番張靚相先。席間，除了美食，當然亦有搞笑事，C君、陸永坐低冇耐，即跟另一半視像，向對方匯報正跟麥玲玲食飯，叫另一半大可放心，相當抵死。咁開心，梗係要自拍一番啦！
C君廣州搏殺 麥玲玲豪請過萬元日本菜打氣
