譚詠麟率明星足球隊搭飛機北上佛山開波 余少寶做啦啦隊打氣前港姐余少寶近日難得返港與家人度中秋，故也有趁機與老友們敍舊，身為明星足球隊啦啦隊成員的她，中秋翌日便隨隊友出發佛山三水參與比賽，由於正值公眾假期，為免舟車勞頓及塞車耽誤時間，大隊最後放棄坐大巴，改搭飛機。少寶大讚領隊黃日華全程照顧每一位隊友，表現極為細心，她說：「有個訪問佢叫我講嘢，當時我冇戴眼鏡，佢即刻畀張貓紙我，仲拎到好近畀我睇，真係冇得頂。」更指雖然當地天氣很熱，但整個場地也坐滿人，令其相當感動：「呢個地方比較細，但啲人反而仲熱情同純真，好有禮貌，令我覺得內地好多地方都好多好有愛心嘅人。」談到賽事，少寶透露譚詠麟與陳百祥也百忙抽空參與，結果令隊友贏波收場，皆大歡喜，她說：「真係好開心，今次返嚟仲見到好多好朋友，連十幾年冇見嘅何家勁都出現，好開心可以敍舊，依家真係好珍惜每一次同明星足球隊嘅時間。」阿倫領軍北上。明星足球隊到佛山比賽。余少寶同何家勁有十幾年冇見。林敏驄舉晒V！仲有黃日華。搭飛機北上。仲有張兆輝窠（左）同關禮傑添。谭咏麟
譚詠麟率明星足球隊搭飛機北上佛山開波 余少寶做啦啦隊打氣
