新劇煞停劇本要審批!馬國明:對演員係好

新劇煞停劇本要審批!馬國明:對演員係好

視帝馬國明原定9月拍攝由陳志江監製的律師劇,不過由於無綫主席許濤下令新劇劇本要由團隊審批後才決定能否開拍,現時暫定延期1個月開拍。馬國明透露現正拍攝《隱形戰隊》將要拍至年底,未收到另一套劇的任何通知,他認為有專人審視劇本是好事:「公司開每個劇之前都執好晒劇本先拍係好事,每個演員都想拍嘅劇嘅劇本係好,如果有班人去審視個劇本,睇吓有冇嘢要執,每套劇開之前大部分劇本齊晒對拍攝有幫助,對演員係好。」

另外受影響的包括陳翹英監製的選美劇《選美的12夜》,原定本月底開工也要煞停,問到有份演出該劇的簡淑兒,她坦承也收到通知:「我有收到經理人通知,暫時要等消息,所以就放番個期岀嚟,其他嘢我都唔係好清楚。」她坦言作為演員都是很被動,等公司安排。

Leave a Reply

Your email address will not be published. Required fields are marked *