拍《城寨英雄》結緣!陳展鵬大讚鍾柔美靚女又全能

拍《城寨英雄》結緣!陳展鵬大讚鍾柔美靚女又全能

視帝陳展鵬明日(5日)會跟聲夢多位學員炎明熹、林沚羿等於奧海城出席活動,展鵬更會演繹新歌,講到鍾柔美(Yumi)曾當童星,與他合作過無綫劇集《城寨英雄》,展鵬日前與糖妹為新劇《童時愛上你》拍攝受訪時坦言認得對方,更大讚鍾柔美:「佢好靚女,個樣好精緻,14歲已經好全能,有熱誠同有火。(你做得佢爸爸?)得!唔知佢哋點叫我呢?叫展鵬哥哥已經執身彩,叫UNCLE都唔知點算!」

同場的糖妹坦言從未跟展鵬合作拍劇,更謂:「有一次我做勁歌主持佢做嘉賓!」在旁的展鵬即謂:「我N年前同你做過綜藝節目《甜姐兒》!」糖妹笑言:「因為嗰陣主題係要請啲男神上嚟!嗰陣我啱啱出道,都10年前!佢演戲一定係我前輩,唱歌都係,想當年展鵬唱歌時我都仲係中學生啫!佢唱歌好好聽㗎!我有認真聽!(合唱吓?)睇吓監製畀唔畀機會我哋,主題曲、插曲都好!」


Leave a Reply

Your email address will not be published. Required fields are marked *