【新劇拜神】
馬國明唐詩詠床戰激過頭 玩到撞爛床！
馬國明與唐詩詠在將軍澳電視城為劇集《隱形戰隊》拜神，期間監製文偉鴻爆馬國明、唐詩詠戲中床戲激烈得撞爛床，詩詠笑言：「一星期去做5日gym，體能提升咗，但係估唔到動作戲係喺床上發生。」被司儀追問到床戲可有提升？她尷尬笑說：「床戲睇升咗馬明少少。」
馬國明與唐詩詠受訪講到激烈床戲，他笑說：「好激，唔只拆床仲拆埋窗，不過都係搞笑床戲嚟嘅。」唐詩詠笑說：「連置景同事都叫我哋唔好咁大力得唔得，啲床戲真係好難拍，由門口去到廳又去返房，好大挑戰，又要唔好整爛嘢，又要好激情，好有戰略㗎，哈哈。」
馬國明稱已經多年沒拍動作戲，新劇體能付出很大，雖然戲中不用騷肌，但也有抽時間操練。唐詩詠則請了健身教練每日做Gym，更練出「老鼠仔」，她說：「因為上套《超能使者》自己都係捱住嚟拍，所以想體能、健康都好啲，依家慢慢感受到成果。」講到有指她因多套劇成了「倉底貨」，令曝光大減，令她心灰意冷有意離巢，她則說：「唔係，呢啲時間邊有人搵，不過，可以搵我啦 !」
