【新劇拜神】
《隱形戰隊》執陳展鵬二攤做男一 馬國明：係好平常嘅事
馬國明今日（18/8）現身電視城出席無綫新劇《隱形戰隊》造型記者會。對於指執陳展鵬二攤，馬明表示：「其實我自己都唔知，而我收到話要拍呢套劇嘅時候，我係喺內地做緊嘢。其實我哋呢啲演員都係等公司安排啫，就算呢個角色以前構思係佢做，而最後改咗唔係佢，咁呢啲事經常都會喺TVB度發生，係好平常嘅事。」
被問到有否向陳展鵬了解？馬明表示：「我有問阿展鵬呀！但唔知係咪佢個期有問題。其實佢而家拍緊三套劇，而呢套劇佢都係有份拍，去到中後期佢演出好多，咁所以我覺得佢都將難再分配時間。（傳佢扭計要加人！）呢個我就唔知啦！我只能夠講，因為檔期演員要換，又或者咩原因換都係好平常嘅事。」
