【新劇拜神】
上月宣布細仔出世 周柏豪爆大女呷醋扭計
周柏豪、王敏奕及吳若希等今日到深水埗為TVB新劇《旁觀者》拜神，劇集已開拍了兩個多月，而柏豪今次在劇中飾演Cafe老闆，但暗裏卻是一位殺手，另外又與演警察的王敏奕有感情戲。兩人有否親熱戲？王敏奕笑言：「唔及柏豪嘅電影勁，睇過佢啲電影參考，始終係電視尺度。」
上月柏豪的細仔出世，他稱已感受到要處理好姊弟關係，因現在大女會呷醋，當他抱囝囝時大女便扭計：「家姐係好錫細佬，但我抱細佬時佢會覺得細佬霸佔咗爸爸，不過其實我都唔係成日抱囝囝，因為開完工返到屋企就係休息，不過好快拍完，仲有十幾日就可以唞吓。」
另外，王敏奕的老爺曾志偉被指套現物業勁賺2,780萬元，她笑言不知情，問志偉可有分享投資心得，她稱會積極賺錢，賺到錢才有本錢投資。
