《東張西望》主持林希靈、黃愷怡，於星期五（12月31日）先後於社交平台，宣布離開TVB！
早前因採訪聾啞人士美華公屋單位，被女保安員娟姐霸佔一事而為人認識的林希靈 ，表示多謝TVB 一路以來的栽培同機會：「多謝東張監製嘉玲姐、祥哥同立爺，多謝你哋令我有機會加入東張呢個充滿愛嘅大家庭。 多謝東張各位兄弟姊妹，我哋就好似家人一樣每日並肩作戰，一齊出盡全力去做訪問，衝擊嘅日子，我一定會好好記住係心入面，呢段日子一定會係我人生入面其中一段最深刻嘅回憶。最唔捨得就係你哋啦！」
黃愷怡就表示《東張》主持工作令她體會很多，同時也多了一份使命感︰「初初入嚟嘅時候，對我嘅衝擊其實好大。好多時候都會接觸到一啲平時自己生活上接觸唔到嘅事：滅蝨、『疫區』採訪、衝擊唔同受訪者、垃圾屋等等。隨住我一路適應同感受呢個節目，我感覺到呢度台前幕後嘅戰友，都有一份使命感。『盡做，無有怕』。」
有報道指，二人有意向網上發展，亦有傳林希靈隨時跟隨男友陳安立過檔ViuTV，二人均稱未有與ViuTV洽談，但林希靈坦言期待與男友同台演出，意味隨時轉投ViuTV。
