美國影藝學院公布奧斯卡新增評審名單，吳君如成為今年名單上唯一一位香港藝人，擁有奧斯卡頒獎禮投票權。她在社交平台興奮拍片報喜，留言：「OMG，😱😱😱我入咗奧斯卡…評審」！
吳君如指自己凌晨2點半看電郵得知喜訊，更嘈醒陳可辛，笑指自己」打入荷李活權力核心」：「今日（29日）凌晨2點半，咁我都係夜瞓，我喺度睇email，睇到一個Academy send畀我嘅email，個版面係咁：『恭喜我成為佢哋會員！』我喺度諗？奧斯卡？小金人？are you kidding me？跟住我再睇清楚，我開始講oh my god、oh my god、oh my god，God咗成5分鐘，God到隔籬件蛋散（陳可辛）就醒咗，我話畀佢聽奧斯卡邀請我成為佢哋member，我終於可以打入荷李活權力核心，我咪以後可以同湯告魯斯同梅麗史翠普平排？開心到…哈哈哈，就係咁，我即刻點頭應承，即刻accept咗，yeah！」
