【網民批評Anson Lo繼續唱歌】體諒當時情況 張繼聰:咁大件事,點會反應到

組合MIRROR演唱會早前有大屏幕墮下,其中一名舞蹈員李啟言(阿Mo)嚴重受傷,目前仍在深切治療部留醫,情況危殆,幸好維生指數穩定。

有網民批評Edan(呂爵安)與Anson Lo(盧瀚霆)在出事後仍繼續唱歌,而非協助傷者。張繼聰周日出席演唱會及創立品牌發佈會時,就為二人解釋。

他指網民看片段時,不知道台上的人正經歷什麼:「就算一個普通嘅觀眾,都未必即時反應到。」又指二人正在表演,處於亢奮狀態,更難有反應:「個台唔帶耳機,係唔會聽到自己唱緊乜嘢,所以嗰刻我都幾肯定佢哋頭果5秒以內唔知發生咩事。」

他指,Anson Lo及Edan與阿Mo的關係,一定比其他人更密切:「佢哋點會唔難過?表演者要承受嘅嘢你哋唔會知。呢一種執生係超越咗平時可以執生嗰種,去到咁大件事,點會反應到?」

提到他自己10月亦會在麥花臣舉辦演唱會,他表示會偏向簡單為主:「似一個live show,唔會有咁多機關。」

 

Leave a Reply

Your email address will not be published. Required fields are marked *