黃心穎融入泥鯭朋友圈　孖住睇波高調放閃

黃心穎融入泥鯭朋友圈　孖住睇波高調放閃藝人黃心穎自「安心事件」後絕迹娛圈，獲樂隊鼓手泥鯭不離不棄守候在旁嘅佢，終被打動肯定對方男友身份，有傳已共賦同居兼不時拍拖放狗。近日全城熱捧世界盃，泥鯭亦有到友人家中相敍睇波，其中好友謝茜嘉於社交網上載睇波影片，竟發現黃心穎身影，原來當晚泥鯭攜眷出席，黃心穎坐正男友側邊，當摩洛哥對葡萄牙嘅大戰開波之際，心穎興奮得高舉拳頭大聲尖叫歡呼，露出笑燦爛笑容，心情勁好，泥鯭則一臉冧樣望實心穎，今次2人孖住現身好友聚會，足證心穎已融入男方朋友圈，感情穩定。黃心穎行蹤低調。近日佢現身泥鯭友人聚會睇波。完全融入男友朋友圈。關係不言而喻。