香港人在北京丨大結局睇頭十足！ 吳若希孖陳展鵬床下底激吻 洪永城揀Funny定淼淼？台慶劇《香港人在北京》今晚（3號）9點半翡翠台播映大結局，「港仁」陳展鵬 Ruco Chan 同「Helen」吳若希 Jinny Ng 兩公婆能否和好如初成為焦點！據知港仁喺文創園編劇仔小春（程碩男飾）幫助下，成功氹番老婆，惟過程相當驚險，港仁與Helen陰差陽錯下被黑幫「追殺」，其間展鵬更葉問上身，喜感十足；兩人最終逃命至床底，患難見真情喺床下底深情咀嘴，破鏡重圓！講到床下底咀嘴場口，吳若希連以超性感睡衣上陣拍劇都唔驚，呢次佢竟然嗌尷尬，早前接受無綫娛樂新聞台訪問時稱喺床下底大家嘅氣息好近，又冇太多親熱戲經驗，成日擔心kiss時呼出嚟嘅氣，而展鵬笑言冇乜尷尬。今晚另一焦點就係歌唱比賽決賽場口，身為歌手嘅吳若希、 Joey Thye 戴祖儀 同坤哥吳業坤 Ng Yip Kwan 將齊齊獻聲！以透視長裙上陣嘅吳若希大晒招牌長腿，獻唱坤哥首本名曲《陽光點的歌》； 「寶怡」戴祖儀同「石磊」坤哥合唱兩人有份創作嘅《想跟你好好道別我怕來不及》，因耳患問題感到自卑嘅石磊更會突破心理關口，以手語向寶怡表白，最終佢能否抱得美人歸？「阿喱」 洪永城Tony的地球 、「Funny」 傅嘉莉Kelly Fu 同「淼淼」陳星妤嘅三角感情線同樣值得留意，Funny將同愛慕自己嘅富二代方晴（付嘉飾）遠走非洲， 阿喱最終能否把握機會追回Funny，定係重投女神淼淼嘅懷抱？台慶劇《香港人在北京》今晚9點30分翡翠台播映#香港人在北京#
香港人在北京丨大結局睇頭十足！ 吳若希孖陳展鵬床下底激吻 洪永城揀Funny定淼淼？
