組合MIRROR演唱會早前有大屏幕墮下，其中一名舞蹈員李啟言（阿Mo）嚴重受傷，目前仍在深切治療部留醫，情況危殆，幸好維生指數穩定。
有網民批評Edan（呂爵安）與Anson Lo（盧瀚霆）在出事後仍繼續唱歌，而非協助傷者。張繼聰周日出席演唱會及創立品牌發佈會時，就為二人解釋。
他指網民看片段時，不知道台上的人正經歷什麼：「就算一個普通嘅觀眾，都未必即時反應到。」又指二人正在表演，處於亢奮狀態，更難有反應：「個台唔帶耳機，係唔會聽到自己唱緊乜嘢，所以嗰刻我都幾肯定佢哋頭果5秒以內唔知發生咩事。」
—
他指，Anson Lo及Edan與阿Mo的關係，一定比其他人更密切：「佢哋點會唔難過？表演者要承受嘅嘢你哋唔會知。呢一種執生係超越咗平時可以執生嗰種，去到咁大件事，點會反應到？」
提到他自己10月亦會在麥花臣舉辦演唱會，他表示會偏向簡單為主：「似一個live show，唔會有咁多機關。」
