MIRROR 第4場紅館演唱會發生罕見意外，Anson Lo和Edan（呂爵安）跳唱《Elevator》時，半空其中一塊巨型屏幕跌落台，砸中兩名舞蹈員。
—
台上舞蹈員及成員目擊事件，或多或少都會影響情緒。張敬軒和陳卓賢（Ian），一同聘請專家顧問團隊，為參與是次演出的舞蹈員提供心理輔導及支援，場地由張敬軒借出，希望助他們走出陰霾。
張敬軒表示︰「呢次嘅事係關乎成個表演行業內嘅事。今次參與演出嘅舞蹈員入面，有好多舞蹈員都係各位MIRROR成員同我嘅兄弟姊妹，我哋喺好多個演出入面都合作無間，所以互相關心係應該無分彼此。件事係大家一齊做，花姐、金生一路都好關心大家，而Ian同其他MIRROR成員喺處理自己情緒嘅同時，都會將傷者同埋其他舞者嘅情况擺喺首位，我哋大家希望可以盡快安撫同平復到各位Dancers嘅情緒，希望廣大嘅樂迷都一樣，照顧好自己嘅情緒之餘，多為傷者同舞蹈員打氣，畀多啲支持佢哋。」
—
