MIRROR的第4場紅館演唱會發生嚴重事故。翻查之前報道，演唱會開騷前夕，一眾有份演出的舞蹈員曾於社交平台集體出黑圖控訴，江𤒹生（AK）亦炮轟︰「第一次係意外，第二次係大意，第三次係疏忽。」
周日有報道指，演唱會總綵排當晚發生三次意外，有舞蹈員墮台受傷外；Stanley、Frankie、Jeremy 及Jer綵排《狂人日記》加《九》時，4人仍在台上，台中間升降台已降下，巨窿再次出現，幸好意外發生，但已嚇親在場視察的經理人花姐。
最後更指AK綵排歌曲《信之卷》時，樂隊身處的升降台其中一側突然半降下，令鼓手及結他手Jason Kui也跌落台底。
結他手Jason Kui隨後澄清︰「我冇跌落台底！多謝關心。喺呢個時候，我哋最需要嘅就係空間，你哋msg我只會變成騷擾。係好X騷擾！！！有時心照，已經足夠。可能你哋幫我哋祈禱，去黃大仙度上炷香，我仲感激，唔好再就呢件事搵我！跪求！花生友，抽水怪，經驗學者和專家，一律收x！」
—
